Биыл елордадағы кәсіби бағдарлау экскурсияларына қанша оқушы мен студент қатысты

Фото: Астана әкімдігі

Астанада еңбек мамандықтары жылы аясында өткізілген кәсіби бағдарлау экскурсиялары сәтті аяқталды, деп хабарлады Elordainfo.kz қала әкімдігінің ресми сайтына сілтеме жасап.

Биыл жыл көлемінде 300-ден аса экскурсия өткізіліп, оған 14 мыңнан аса оқушы мен колледждердің 1 курс студенттері қатысты.

Тәлімгерлер қаланың 40-тан аса кәсіпорнына барып, сан түрлі мамандық пен қызметтер жайлы мәліметтер алды.

Елордада аталған жыл еңбек мамандықтарын жастарға таныстыруға, насихаттауға, олардың дұрыс таңдау жасауына мол септігін тигізді. Сонымен қатар балалар мен жасөспірімдер туризмінің дамуына ықпал етті.