Астанада Қазақстан триатлон федерациясының кезектен тыс конференциясы өтті, деп хабарлады Elordainfo.kz.

Бекітілген күн тәртібіне сәйкес, федерацияның 2023-2024 жылдардағы қызметінің қорытындылары шығарылып, одан әрі дамытудың басым бағыттары айқындалды. Сондай-ақ федерация президентін сайлау рәсімі өткізілді.

Дауыс беру нәтижесі бойынша Ержан Біржанов аталған спорттық ұйымның президенті болып сайланды. Бұған дейін ол бірінші вице-президент қызметін атқарған болатын.

Конференция барысында федерация қызметінің тиімділігін арттыру және мемлекеттік органдармен, спорттық ұйымдармен, өңірлік құрылымдармен өзара ынтымақтастықты нығайту жөніндегі ұсыныстар да қаралды.