Астаналық мектепте «Жас сақшы» сыныбының оқушылары ант қабылдады

фото: polisia.kz

Елордада Ө.Жәнібеков атындағы №11 мектеп-лицейінде жас сақшылар салтанатты түрде ант қабылдады, деп хабарлады Elordainfo.kz Polisia.kz-ке сілтеме жасап.

Іс-шараға білім беру мекемесінің басшылығы, ұстаздар, ата-аналар және полиция қызметкерлері қатысты. Салтанатты жиын Қазақстан Республикасының Мемлекеттік Әнұранын орындаудан басталды. Осылайша ол ұрпақтар сабақтастығының, заңға құрмет пен қоғам игілігі жолындағы қызметтің символына айналды.

Бұл күні оқушылар тәртіптің, жауапкершіліктің және отансүйгіштіктің үлгісі болу жөніндегі құрметті миссияны өз мойындарына алды. Мектеп әкімшілігі мен құқық қорғау органдарының өкілдері құттықтау сөз сөйлеп, жастар арасында белсенді азаматтық ұстаным мен құқықтық мәдениетті қалыптастырудың маңыздылығын атап өтті.

Бұған дейін Астанада Cyber sarbaz сыныбы ашылғанын жаздық.