Астанада үш жаңа автобус бағыты іске қосылады

Фото: Оңалхан Өнерхан

Бұл туралы City Transportation Systems ЖШС баспасөз қызметі мәлімдеді, деп хабарлайды Elordainfo.kz.

Астанада 21 ақпаннан бастап үш жаңа бағдар іске қосылады.

Бағдарлардың жүру бағыты:

№67 – «Ырыскелді қажы» мешіті – «Пригородный» тұрғын алабы («Орман парк»ТК);

№74 – Altyn besik ТҮК – «Достар-1» тұрғын үй кешені;

№76 – «Алай» – «Теміржолшылар» тұрғын алабы.

«Жаңа бағдарлар қаланың маңызды бағыттарын қамтиды. Атап айтқанда, №67 бағдар Бұқар жырау көшесіндегі қоғамдық көлік қызметін жақсартып, Қ.Қайсенов көшесінде жаңа учаскесімен жүре бастайды. №74 бағдар Ш.Айтматов көшесі мен Ұлы дала даңғылының жаңа бөлігін қамтиды, сондай-ақ Әйтеке би көшесін қамтамасыз етеді. №76 бағдар А.Пушкин көшесіндегі қоғамдық көлік қызметін жақсартып, «Теміржолшылар» ТА сауда орындарымен байланыстырады», - делінген хабарламада.

Ескерту: Сығанақ және Әйтеке би көшелерінің қиылысында бағдаршам орнатылып, реттелетін қиылыс ұйымдастырылғанға дейін №74 бағдар Қ.Мұхамедханов көшесі бағытында уақытша Әнет баба көшесі арқылы жүреді, ал кері бағытта бекітілген сызбаға сәйкес Әйтеке би көшесі арқылы қатынайды.