Елордада референдумға қанша күн қалғанын арнайы таблодан көруге болады

Фото: Астана қаласы әкімдігі

Астанада Қазақстанның жаңа Конституциясын қабылдау жөніндегі республикалық референдумға кері санақ басталды, деп хабарлайды Elordainfo.kz қала әкімдігінің сайтына сілтеме жасап.

Жаңа Конституцияны қабылдау бойынша жалпыреспубликалық референдум 15 наурызда өтеді. Оған дейін 25 күн қалды.

Кері санақ таблосы елорданың бірқатар маңызды нысанында – шолу дөңгелегінде және «Қазақстан темір жолы» ұлттық компаниясының ғимаратында орнатылды. Ондағы сандар нақты уақыт режимінде референдумға дейін қалған күнді көрсетіп тұр.

Еске салайық, бұған дейін елордада «Әділетті және прогрессивті Қазақстанның халықтық Конституциясы үшін!» жалпыұлттық коалициясының Астана қалалық штабы ашылды.