Қызылорда облысы Байқоңыр қаласының прокуратурасы білім беру ұйымдарының 2022-2024 жж. аралығында бюджет қаражатының жұмсалу заңдылығына жүргізілген талдау нәтижесінде мемлекет бюджетін жымқыру фактісін анықтады, деп хабарлады Elordainfo.kz Бас прокуратураға сілтеме жасап.
Орта білім беру ұйымының бас есепшісі бірнеше мұғалімдердің есеп шоттарына артық жалақы аударып, аударылған артық қаражаттарды өзінің жеке есепшотына қайта аудару арқылы жымқырған.
Салдарынан мемлекеттік бюджетке 52 млнтеңге залал келтірілген.
Аталған факті бойынша Байқоңыр қаласы прокуратурасымен Қылмыстық кодекстің 189-бабы 4-бөлігінің 2) тармағында көзделген қылмыстық құқық бұзушылық белгілері бойынша сотқа дейінгі тергеп-тексеру жүргізіліп, іс сотқа жолданды.
«Сот үкімімен мектептің бас есепшісі кінәлі деп танылып, 7 жыл бас бостандығынан айыру жазасы тағайындалды», - делінген хабарламада.
Кәмелетке толмаған балаларының болуына байланысты Қылмыстық кодекстің 74-бабына сәйкес жаза өтеу мерзімі 5 жылға кейінге қалдырылды.
