Бұл туралы Парламент Сенатының отырысында Премьер-министрдің орынбасары – ұлттық экономика министрі Серік Жұманғарин мәлімдеді, деп хабарлады Elordainfo.kz.
ҚР Парламенті Сенатының кезекті отырысында 2026-2028 жылдарға арналған республикалық бюджет параметрлері қаралды. Премьер-министрдің орынбасары – ұлттық экономика министрі Серік Жұманғарин алдағы үш жылға арналған жаңартылған инфляция болжамын ұсынды.
«Инфляция болжамы 2026 жылы 9-11%, 2027 жылы 5,5-7,5% және 2028 жылы 5-7% деңгейінде айқындалған», - деп атап өтті Серік Жұманғарин.
Айта кетейік, Үкімет Сенатқа 2026-2028 жылдарға арналған трансферттер көлемі туралы заң жобасын ұсынды.
