Қызметтік ит көлікке жасырылған есірткіні тапты

Қызметтік ит көлікке жасырылған есірткіні тапты

Астанада Ұлттық ұланның 5573 әскери бөлімінің кинологы қылмыскерді ұстауға көмектесті, деп хабарлады Elorda.info.

Есіл ауданы Полиция басқармасының шақыруына сәйкес Орынбор көшесі, 9 мекен-жайына сержант Таңат Темірғалиев тінту жүргізу үшін барды. Ол «Самурай» атты қызметтік итімен есірткі заттарын табу мақсатында «Тойота» автокөлігін мұқият тексере бастады, - деп жазылған Ұлттық ұланның баспасөз қызметі таратқан хабарламада.

Тексеруді бастағаннан кейін Самурай өзінің мінез-құлқымен бірден алдыңғы жолаушылар орындығын көрсетті. Содан кейін полиция қызметкерлерімен мұқият тексеру жүргіздік. Иісі бар қоңыр зат салынған орамдағы байлам табылды және тәркіленді, - деді сержант Таңат Темірғалиев.

Мән-жайларды одан әрі анықтау үшін автокөлік иесі аудандық полиция басқармасының  қызметкерлеріне берілді.