Қостанайда екі әйелді пышақтаған ер адам ұсталды

11 наурыз, 2025
Елорда ақпарат Елорда ақпарат
Қостанайда екі әйелді пышақтаған ер адам ұсталды
Фото: Оңалхан Өнерхан

Адам өлтіру фактісі бойынша сотқа дейінгі тергеу басталды. Бұл ақпаратты Қостанай облысы Полиция департаментінің баспасөз қызметі растады, деп хабарлады Elordainfo.kz Alau.kz-ке сілтеме жасап.

Alau.kz оқырмандары 9 наурызда болған оқиға туралы хабарлады.

Баспасөз қызметінің мәліметінше, бұрын әйелдер мен ер адам таныс болған. Олар ішімдік ішкен. Ер адам екі әйелге де пышақ салды. Салдарынан 44 жастағы әйел қайтыс болды, ал 52 жастағы келіншек ауруханаға жеткізілді.

Жедел-іздестіру іс-шаралары барысында полиция қызметкерлері 53-жастағы күдіктіні ұстады. Ол қазір уақытша ұстау изоляторына орналастырылды.

Қазіргі уақытта оқиғаға қатысты тергеу жұмыстары жүргізіліп жатыр.