Үндістанда Кумбха Мела фестивалі басталды

Үндістандықтар Кумбха Мела фестивалінде қасиетті суға шомылып жатыр, деп хабарлады Elordainfo.kz Астанадағы Үндістан елшілігіне сілтеме жасап.

Кумбха Мела - сенім, мәдениет және дәстүрдің керемет үйлесімі ретінде  ғасырлар бойы дамып келе жатқан рухани ояну мерекесі. Бұл көптеген жылдар бойы Үндістанның ең рухани маңызды фестивальдерінің бірі ретінде дамып келеді.

Мұнда күнәларының кешірілуін қалаған  үндістандықтар  Ганга, Ямуна, Годавари, Шипра секілді қасиетті өзендердің суына шомылады.

Кумбха Мелаға жыл сайын мыңдаған шетелдік қонақ оның мәдени байлығы мен дәстүрлеріне қызығып келеді. Мұнда олар әлемдегі ең үлкен діни жиындардың біріне куә болып, үнді салт-жоралғылары, дәстүрлерін көреді.

Кумбха Мела – қазіргі кезде үлкен мәдени мәнге ие. Ол  –  бірліктің, үміттің және трансформацияның шамшырағы.