Еңбек күніне орай жастар арасында 200 іс-шара өтті

фото: t.me/madenietaqparat

Еңбек күні аясында Қазақстанда жастардың қатысуымен дөңгелек үстелдер, бос жұмыс орындары жәрмеңкелері, экологиялық іс-шаралар, кәсіптік бағдар беру кездесулері, «Адал азамат – адал еңбек» диалог алаңдары сияқты 200-ден астам іс-шара өтті, деп хабарлады Elordainfo.kz.

Мәдениет және ақпарат министрлігінің мәліметінше, еңбек адамдарын кеңінен насихаттауға баса назар аударылды. Осы мақсатта Абай ауданында «Еңбекші жастар – 2024» және Қарағанды облысында «Шебердің қолы алтын» атты фестивальдер өтті.

Сондай-ақ бірқатар өңірлерде «Жасыл ел» жасақтарының сарбаздары жұмыс маусымын салтанатты түрде қорытындылады.

Еңбек күніне арналған іс-шараларға барлығы 2 мыңнан астам жас тартылды.