Халыққа қызмет көрсету орталықтары мереке күндері жұмыс істей ме

Фото: Оңалхан Өнерхан

Халыққа қызмет көрсету орталықтары алдағы мереке күндері – 8-9 наурызда жұмыс істемейді, деп хабарлады Elordainfo.kz «Азаматтарға арналған үкімет» Мемлекеттік корпорациясының баспасөз қызметіне сілтеме жасап.

«Халықаралық әйелдер күніне орай 8 және 9 наурызда Халыққа қызмет көрсету орталықтары мен мамандандырылған халыққа қызмет көрсету орталықтары жұмыс істемейді. Дүйсенбі, 10 наурызда азаматтарды тек кезекші орталықтарда сағат 09:00-13:00 аралығында қабылдайды», - делінген хабарламада.

Сондай-ақ хабарламада дәл осы жұмыс кестесі 25 наурызда да сақталатыны айтылған. Ал 21, 22, 23 және 24 наурызда Наурыз мерекесіне байланысты демалыс күндері болып саналады.