Мектеп оқушылары жаңа стандарт бойынша тамақтанатын болады

Қазақстанда мектеп оқушыларын тамақтандырудың жаңа стандарты әзірленбек. Бұл туралы Денсаулық сақтау министрі Ақмарал Әлназарова мәлімдеді, деп хабарлады Elordainfo.kz.

Денсаулық сақтау министрлігі, Оқу-ағарту министрлігі және ЮНИСЕФ-тің қолдауымен мектептегі тамақтану мәселелері талқыланды.

Мемлекет басшысының тапсырмасы бойынша екі жылдан бері 1-4 сынып оқушыларының барлығы тегін тамақтанады, оған жыл сайын 175 млрд теңгеден астам қаражат бөлінеді.

«Бүгінгі таңда келесі қадамды жасау маңызды: еліміздің барлық мектептері үшін балаларымыздың сапалы, теңдестірілген және қауіпсіз тамақтануының кепілі болатын жаңа стандартты әзірлеу. Біздің мақсатымыз - өңірге қарамастан әрбір бала күн сайын ақуыздардың, дәрумендердің және барлық қажетті қоректік заттардың теңдестірілген мөлшерін алу болып табылады. Сонымен бірге, әрбір ата-ана баласының өсуі мен дамуы үшін ең жақсысын алатындығына сенімді болды», - деп жазды А.Әлназарова әлеуметтік желідегі парақшасында.