Алмасбек Садырбайдың ісі: прокуратура қарап жатыр

Бұл туралы ҚМА төрағасының орынбасары Жеңіс Елемесов Сенат кулуарында мәлімдеді, деп хабарлады Elordainfo.kz.

Журналист әлеуметтік желіде  Алмасбек Садырбайдың «Біздің заңға қайшы әрекеттеріміз дәлелденген жоқ, бізді заңсыз ұстап отыр» деп айтқан видеосы тарағанын айтып, бұл істің нәтижесі қандай болып жатқанын сұрады. 

«Іс бізде болған. Оны қамауға алдық. Кейіннен басқа да құзырлы органдардың Садырбайға қатысты қылмыстық істері болған. Қазір істі Алматы облысының прокуратурасы тергеп жатыр», -  деп жауап берді бұл сауалға Ж. Елемесов. 

Еске сала кетейік, Қаржылық мониторинг агенттігінің Алматы облысы бойынша департаменті облыстық прокуратурамен бірлесіп, «Шаңырақ» қоғамдық бірлестігінің басшысы Алмасбек Садырбайдың аса ірі мөлшерде алаяқтық әрекетін әшкерелеген болатын.

Ол басқаратын адамдар тобы ұсақ малдың аналық басын ұрықтандыруға субсидияларды заңсыз алу және жемшөп шығындарын өтеу мақсатымен жалған ауыл шаруашылығы кооперативтерін құрды деген күдікке ілінді.