Атырау облысы Құлсары қаласында 8 жастағы қыздың мәйіті табылды. 5 маусым күні кешке полицейлерге жеткіншектің жоғалып кеткені туралы хабарлама түскен.

Бейнебақылау камераcына оның Құрсай өзенінің жағасында белгісіз ер адаммен кетіп бара жатқан сәті түсіп қалған. Сол күні түнде іздестіру нәтижесінде баланың денесі өзен жағасындағы қамыстардың арасынан табылды.

Полиция күдіктінің кім екенін анықтап, 36 жастағы Құлсары қаласының тұрғынын қамауға алды.