Ақтөбеде автобус жүргізушісі жасөспірімді қағып кетті

фото: Оңалхан Өнерхан

Ақтөбе қаласының орталығында №15 бағыттағы автобус 14 жастағы мектеп оқушысын қағып кетті, деп хабарлады Elordainfo.kz.

Kris_p_astana телеграм-арнасының жазуынша, жасөспірім жаяу жүргіншілер өткелімен велосипедпен өтіп бара жатқан. Жүргізуші қызыл жарығана қарамастан тоқтамаған. Жол-көлік оқиғасы Әбілхайыр хан даңғылының қиылысында болды.

Жасөспірім ауыр жарақат алды. Атап айтқанда, бас-сүйек ми жарақаты, қабырғасы сынған, өкпесі зақымданған. Ол үш күн жансақтау бөлімінде болды, қазір жалпы палатаға ауыстырылды.

Жүргізуші уақытша жұмысынан шеттетілді. «Автопарк» компаниясы оның жылдамдықты асырғанын растады. Қазіргі уақытта тергеу жүргізілуде.