Астанада үш қабатты ғимараттағы өрт сөндірілді – ВИДЕО

ТЖМ

Төтенше жағдайлар министрлігінің күштері елордада үш қабатты ғимараттағы өртті сөндірді, деп хабарлады Elordainfo.kz.

«8 желтоқсан күні 08 сағат 40 минутта Астана қаласы «Байқоңыр» ауданы А.Иманов көшесі 5 мекенжайы бойынша үш қабатты жеке тұрған ғимараттың сыртқы қаптамасы жанғаны жайлы хабарлама түсті. Бөлімшелер шақырту бойынша жіберілді. Олар келген кезде сыртқы алюкобонд қаптамасының 280 шаршы метр аумағы жанды. Зардап шеккендер жоқ. 09 сағат 15 минутта өрт оқшауланды. Астана қаласы Төтенше жағдайлар департаментінің 21 техникасы мен 82 құрамы жұмылдырылды», - деді Астана қаласы ТЖД бастығының бірінші орынбасары Бақытжан Мәуленбердиев.

Бұған дейін қаладағы бір қабатты павильоннан өрт шыққанын жазған болатынбыз.