Іздеу 
Ернұр Қайнар
Республика күніне орай «Адал азамат» біртұтас тәрбие бағдарламасы аясында Астана қаласында «Келешек мектептері» оқушылары арасында тоғызқұмалақтан қалалық турнир ұйымдастырылды, деп хабарлайды Elordainfo.kz Оқу-ағарту министрлігіне сілтеме жасап.
№106 мектепте өткен зияткерлік сайыста оқушылар ұлттық ойыннан шеберліктерін көрсетіп, өзара бақ сынады. Турнирдің басты мақсаты – ұлттық құндылықтарды дәріптеу, оқушылардың логикалық ойлау қабілетін дамыту және мектептер арасындағы байланысты нығайту.
Жарыс қорытындысы бойынша жеңімпаздар анықталды.
Ұлдар арасында
I орын – Аян Қуаныш (№101 мектеп)
II орын – Бексұлтан Бұхар (№114 мектеп)
III орын – Бүркіт Сайпулла (№115 мектеп)
Қыздар арасында
I орын – Айнел Тәңірбергенова (№100 мектеп)
II орын – Дилназ Сұлтанқызы (№110 мектеп)
III орын – Ләззат Жетпіс (№112 мектеп)
Турнирді Оқу-ағарту министрлігінің Ы. Алтынсарин атындағы Ұлттық білім академиясы мен Ұлттық ғылыми-практикалық дене тәрбиесі орталығы Астана қаласының Тоғызқұмалақ федерациясымен бірлесіп ұйымдастырды.
