Алматыда ірі жол апатынан үш адам зардап шекті

istockphoto.com

Алматыда Рысқұлов-Сүйінбай көшелері қилысындағы көпірде төрт көліктің қатысуымен жол апаты болып, салдарынан бірнеше адам зардап шекті, деп хабарлады Elordainfo.kz.

Алматы қалалық Полиция департаментінің мәліметінше, Haval көлігінің жүргізушісі Рысқұлов даңғылы бойымен шығысқа қарай қозғалып, Сейфуллин даңғылымен қиылысты кесіп өткеннен кейін рөлге ие бола алмай қалған.

Нәтижесінде ол көршілес қатардағы Chery көлігіне соғылып, қарсы жолаққа шығып кетіп, батыс бағытта келе жатқан Audi және Hongqi автокөліктерімен соғысқан.

Haval жүргізушісі ауыр жағдайда ауруханаға жеткізілді. Audi көлігінің жүргізушісі мен Hongqi жолаушысы облыстық ауруханаға жатқызылды.