Air Astana ұшағы Бакуге шұғыл қонуға мәжбүр болды

фото: Air Astana

Air Astana әуе компаниясының ұшағы Бакудегі Гейдар Алиев атындағы халықаралық әуежайға мәжбүрлі түрде қонды, деп хабарлады Elordainfo.kz.

TACC таратқан ақпаратқа сәйкес, оған борттағы бір жолаушының денсаулығының күрт нашарлауы себеп болған.

Тиісті сұрау түскеннен кейін әуежайдың дағдарыс орталығы мобилизацияланып, шұғыл қызметтер үйлестіріліп, барлық қажетті қауіпсіздік шаралары қабылданған. Ұшақ жергілікті уақыт бойынша сағат 00:25-те сәтті қонды.

Жолаушыға медициналық көмек көрсетіліп, кейін жедел жәрдем бригадасына тапсырылды, одан әрі тексеру үшін қалалық ауруханалардың біріне жеткізілді.

Air Astana компаниясының шешімімен Алматыға ұшатын рейс уақытша кейінге қалдырылды. Қалған жолаушы қонақ үйге орналастырылды.