Елордадағы «Байқоңыр» ауданында Мемлекеттік рәміздер күніне орай №1 Өнер мектебінің оқушылары арасында «Желбірей бер көк туым» тақырыбында сурет байқауы ұйымдастырылды, деп хабарлады Elordainfo.kz ауданның баспасөз қызметіне сілтеме жасап.

Шараның басты мақсаты – жас ұрпақтың ұлттық рәміздерге деген құрметін арттыру, отансүйгіштікке тәрбиелеу және шығармашылық қабілеттерін дамыту.

Байқау барысында оқушылар Ту, Елтаңба мен Әнұранның мағынасын өз көзқарастары арқылы бейнелеп, ұлттық құндылықтарды терең түсінетіндерін көрсетті.

Жеңімпаздар мен белсенді қатысушылар Алғыс хаттармен және естелік сыйлықтармен марапатталды.