Ұлттық банк базалық мөлшерлемеге қатысты шешімін жариялады

Фото: Қазақстан Республикасының Ұлттық банкі

Ұлттық банк бұл жолы да базалық мөлшерлемені 16,5 пайыз деңгейінде сақтап қалды, деп хабарлады Elordainfo.kz Ұлттық банктің баспасөз қызметіне сілтеме жасап.

«Қазақстан Республикасы Ұлттық банкінің Ақша-кредит саясаты комитеті базалық мөлшерлемені +/- 1 п.т. дәлізімен жылдық 16,5 пайыз деңгейінде белгілеу туралы шешім қабылдады.

Шешім қабылданғанда нақты деректер, жаңартылған болжамдарды талдау мен инфляция тәуекелдерінің балансын бағалау көрсеткіштері ескерілді», - делінген хабарламада.

Естеріңізге сала кетейік, наурыз айында Ұлттық банк базалық мөлшерлемені 15,25 пайыздан 16,5 пайызға дейін көтерген еді. Сәуірде базалық мөлшерлемені 16,5 пайыз деңгейінде сақтап қалды.

#Ұлттық банк