Су саласындағы заң бұзушылықтар үшін жауапкершілік күшейтілді – министрлік

Елімізде қабылданған жаңа Су кодексінде су саласындағы заң бұзушылықтар үшін жауапкершілік күшейтілді. Құжат 10 маусымнан бастап күшіне енеді, деп хабарлады Elordainfo.kz.

Су ресурстары және ирригация министрлігінің баспасөз хатшысы – ресми өкілі Алмас Мұсабеков бүгінде судың «көлеңкелі» нарығымен белсенді күрес жүргізіліп жатқанын атап өтті.

«Арал-Сырдария бассейндік инспекциясының мамандары Түркістан облысы Шардара ауданының Жаушықұм суару алқабынан тіркелмеген 24 сорғы қондырғысын анықтады. Тексеру нәтижелері тиісті шаралар қабылдау үшін жергілікті атқарушы органдарға жолданды. Сондай-ақ жергілікті әкімдікке анықталған заң бұзушылықтарды жою бойынша ұсыныстар берілді», - деді спикер Орталық коммуникациялар қызметі алаңында өткен баспасөз конференциясында.