Қазақстан әлемдік туристік рейтингтегі позициясын нығайтты

Фото: Kazakh Tourism

Қазақстан әлемдік туристік рейтингтегі позициясын нығайтып, 14 орынға жоғары көтерілді. Бұл туралы Орталық коммуникациялар қызметінде Туризм индустриясы комитеті төрағасының міндетін атқарушы Нұрбол Байжанов мәлім етті, деп хабарлайды Elordainfo.kz.

Дүниежүзілік экономикалық форумның Жаһандық индексінде Қазақстан 119 елдің ішінен 52-орынға көтерілген, бұрын 66-орынға ие болған.

«Жалпы үздік 50 елдің қатарына кіру – стратегиялық мақсаттың бірі. Бұл туристерге ыңғайлы болу мен қауіпсіздігін арттыру, инфрақұрылымды жақсарту және туристік объектілердің қолжетімділігін арттыру бойынша жүйелі жұмыстың нәтижесін көрсетеді», - деді ол.