Биылғы 10 айда азық-түлік өнімдерін шығару 3,1 трлн теңгені құрады, бұл өткен жылдың сәйкес кезеңінен 9,1%-ға жоғары. Бұл туралы Үкімет отырысында ауыл шаруашылығы министрі Айдарбек Сапаров мәлімдеді, деп хабарлады Elordainfo.kz.

Ол азық-түлік өндірісіндегі негізгі капиталға салынған инвестициялар 60%-ға өсіп, 225 млрд теңгені құрағанын атап өтті. 

«АӨК-тегі қайта өңделген өнімдер экспортында да оң динамика байқалады.  Осы жылдың 9 айында өңделген өнім экспорты $2,5 млрд-қа жетті, бұл өткен жылдың сәйкес кезеңімен салыстырғанда 30%-ға жоғары», - делінген хабарламада. 

Еске салайық, Ауыл шаруашылығы министрлігі Қазақстаннан 3,1 млн тонна астық экспортталғанын хабарлаған еді.