Бұл күн БҰҰ Бас Ассамблеясының шешімімен бекітілген және жыл сайын 5 желтоқсанда атап өтіледі, деп хабарлады Elordainfo.kz.
Биыл мереке «Әрбір үлес маңызды» ұранымен өтеді. Сондай-ақ БҰҰ 2026 жылды Орнықты даму мақсатында халықаралық волонтерлер жылы деп жариялады.
Қазақстандағы волонтерлер қозғалысы – белсенді және үнемі өсіп келе жатқан үлкен қауымдастық.
Олар әрқашан көмекке мұқтаж адамдарға қолдау көрсетуге дайын және қоршаған ортаны қорғау, әлеуметтік жобалар, іздестіру-құтқару жұмыстары сияқты маңызды міндеттерді жүзеге асыруға белсенді қатысады.
Бұған дейін «Жыл волонтері – 2025» халықаралық сыйлығының жеңімпаздары анықталған болатын.
