9 қыркүйекке арналған ауа райы болжамы

Ертең атмосфералық фронталды бөліктердің өтуімен еліміздің көп бөлігінде найзағай ойнап, жел күшейеді. Республиканың оңтүстігінде шаңды дауыл болады. Түнде 1-2 градус үсік жүреді, деп хабарлады Elorda.info.

Қызылорда, Түркістан, Ақтөбе, Алматы, Жетісу, Ұлытау, Батыс Қазақстан, Атырау, Жамбыл және Қостанай облыстарында өрт қаупі сақталуда.

Күні бойы Алматы облысының басым бөлігінде қатты ыстық сақталады.

Нұр-сұлтан қаласында: көшпелі бұлт болады, жауын-шашынсыз. Ауа температурасы түнде 3-5 градус, күндіз 19-21 градус жылы болады.

Алматыда: көшпелі бұлт, жауын-шашынсыз ауа райы болады. Ауа температурасы түнде 18-20, күндіз 30-32 градус.

Шымкент қаласында: түнде өткінші жаңбыр жауады, күн күркірейді. Ауа температурасы түнде 14-16, күндіз 28-30 градус болады.