Алан Құрманғалиев Тунистегі турнирдің қола жүлдегері атанды

20 қаңтар, 2025
Олжас Сүлейменов Олжас Сүлейменов
Алан Құрманғалиев Тунистегі турнирдің қола жүлдегері атанды
Фото: olympic.kz

Қазақстандық Алан Құрманғалиев үстел теннисінен Тунистегі WTT Youth Contender Tunis халықаралық турнирінде сәтті өнер көрсетті, деп хабарлады Elordainfo.kz.

Ол 19 жасқа дейінгі спортшылар арасындағы жарыста ел намысын қорғады. Нәтижесінде Алан Құрманғалиев турнирді қола медальмен аяқтады.

Алан Құрманғалиев турнир барысында Италиядан барған Данило Фасоны 3:0, польшалық Рафаэль Формеланы 3:1, Ян Мругалды 3:0, чехиялық Степан Брельді 3:1 және Бельгия спортшысы Том Клоссетті 3:1 есебімен жеңді.

Алайда, жартылай финалда ол румыниялық Юлиан Чиритуден 0:3 есебімен ұтылып, қола жүлдегер атанды.