Алматы облысында әскери тікұшақ радардан жоғалып кетті

Алматы облысында әскери тікұшақ радардан жоғалып кетті. Қорғаныс министрлігі оқиғаға қатысты ресми мәлімдеме жасады, деп хабарлайды Elordainfo.kz.

Министрліктің мәліметінше,  іздестіру-құтқару жұмыстары жүргізіліп жатыр. 

2025 жылғы 25 шілдеде Алматы облысында жоспарлы ұшу барысында Қазақстан Республикасы Қарулы Күштері Әуе қорғанысы күштерінің EC-145 тікұшағы радардан жоғалып кетті.
 
Алдын ала мәлімет бойынша, тікұшақ бортында үш экипаж мүшесі болған. Оқиға орнына Қорғаныс министрлігі мен ТЖД-ның күштері мен құралдары жұмылдырылып, іздестіру-құтқару жұмыстары жүргізілуде.

Қазақстан Республикасы Қорғаныс министрінің тапсырмасы бойынша оқиғаның мән-жайын анықтау үшін арнайы комиссия аттанды.

Қосымша ақпарат оқиғаны анықтау барысы бойынша берілетін болады.