Жалған ақпарат таратқан қызылордалық бойжеткен қамауға алынды – ВИДЕО

Фото: видеодан скрин/instagram.com/kzo_pd

Қызылорда қаласының 22 жастағы тұрғыны Шұғыла Сәбит түнгі уақытта тыныштықты бұзып, полиция қызметкерлерінің заңды талаптарына бағынбай, ұсақ бұзақылық жасағаны және жалған ақпарат таратқаны үшін жауапкершілікке тартылды, деп хабарлайды Elordainfo.kz.

«Сот шешімімен қыз әкімшілік қамауға алынды. Сонымен қатар оған әкімшілік айыппұлдар салынды және ресми ескерту берілді.

Қабылданған шаралардан кейін қыз әлеуметтік желілердегі тиісті жарияланымдарын өшірді», - делінген Қызылорда облысы Полиция департаментінің хабарламасында.

Посмотреть эту публикацию в Instagram

Публикация от Qyzylorda PD (@kzo_pd)

Полиция ескертеді: полиция қызметкерлеріне құрметсіздік таныту, арандатушылық әрекеттер жасау және жалған ақпарат тарату заң аясында жауапкершілікке әкеп соғады.

Еске салайық, бұған дейін аталған қыз әлеуметтік желілерде өзін «күлгені үшін» жауапкершілікке тартты деген жалған ақпарат таратып, билік өкілдеріне құрметсіздік танытқан.

Бұған дейін елордада қоғамдық орында шалбарын шешкен ер адам жауапқа тартылғанын жаздық.