Президент тапсырмасы: сенаторлар білім саласындағы өзекті мәселелерді талқылады

Астана қаласы Білім басқармасынан

Сенат төрағасы Мәулен Әшімбаев пен депутаттар Астанадағы бірнеше мектепті аралап, инфрақұрылымын, IT-зертханаларын, кітапханаларын және оқу үдерісін көрді, деп хабарлады Elordainfo.kz.

Педагогтермен білім саласындағы өзекті мәселелер талқыланды.

Мәулен Әшімбаев соңғы жылдары білім саласына бөлінген қаржы 3 есе артқанын, 1 200 жаңа мектеп ашылғанын және мұғалімдердің жалақысы екі есе өскенін атап өтті. Спикер тәрбиенің маңызын айтып, ұлттық құндылыққа негізделген жаңа білім беру моделінің қажеттігін жеткізді.

Сенаторлар №107 мектепке, KIS-ке және Республикалық физика-математика мектебіне барып, оқушылардың IT-HUB, робототехника және STEM бағытындағы жұмыстарымен танысты.