Дональд Трамп Қасым-Жомарт Тоқаевқа хат жолдады

Фото: akorda.kz

Мемлекет басшысы Қасым-Жомарт Тоқаевтың атына АҚШ Президенті Дональд Трамптан хат келіп түсті. Бұл туралы Президенттің кеңесшісі – баспасөз хатшысы Айбек Смадияров мәлім етті, деп хабарлайды Elordainfo.kz.

«Америка көшбасшысы ақпан айында Вашингтонда өткен Бейбітшілік кеңесінің алғашқы жиыны аясындағы Қазақстан Президентімен кездесуді ықыласпен еске алды.

Құрама Штаттардың Президенті Мемлекет басшысын Бейбітшілік кеңесінің келесі отырысында және жыл соңына қарай Майамиде өтетін G20 саммитінде күтетінін жеткізді», - деп жазды Айбек Смадияров.

Еске сала кетейік, Egemen Qazaqstan газетінде ҚР Парламенті Мәжілісінің төрағасы Ерлан Қошановтың жаңа Конституция жобасы бойынша референдум жөнінде сұхбаты жарияланды.