Домбыра дәстүр мен заманауи шығармашылықтың алтын көпіріне айналды – Тазабике Салиева

Фото: Астана әкімдігі

Астанадағы «Жайхун» қарақалпақ этномәдени орталығының жетекшісі Тазабике Салиева Ұлттық домбыра күніне орай қазақтың қасиетті аспабының ұлттық мәдениеттегі орны туралы пікір білдірді, деп хабарлайды Elordainfo.kz.

Оның айтуынша, Ұлттық домбыра күні – Қазақстанның бай музыкалық мұрасына тағы бір мәрте назар аударуға мүмкіндік беретін ерекше мереке.

«Ұрпақтан-ұрпаққа жалғасқан қазақ күйлері ұлттық мәдениет пен тарихи жадтың ажырамас бөлігі болып қала береді. Домбыра бүгінгі орындаушыларға шабыт беріп, дәстүр мен заманауи шығармашылықты тоғыстырып келеді», – деді Тазабике Салиева.

Этномәдени орталық жетекшісі мәдени бастамалардың қолдауының арқасында ұлттық аспапқа деген қызығушылық жастар арасында да, жалпы қоғамда да артып келе жатқанын атап өтті.