Астанада жылу беру маусымы басталады

Фото: Астана қаласы әкімдігі

Астана қаласы әкімдігінің қаулысына сәйкес, елордада 2026–2027 жылдардағы жылу беру маусымы 2 қазаннан басталады, деп хабарлайды Elordainfo.kz «Астана-Теплотранзит» АҚ-на сілтеме жасап.

«Астана-Теплотранзит» АҚ елорда тұтынушыларына жылу энергиясын сенімді тасымалдау және тарату бойынша қажетті жұмыстарды жүргізуге толық дайын.

Жылыту маусымына дайындық аясында жылу желілерінде гидравликалық сынақтар өткізіліп, анықталған ақаулар жойылды, жөндеу және жаңғырту жұмыстары толық жүргізілді», - делінген хабарламада.

Еске салайық, бұған дейін Солтүстік және шығыс өңірлерде жылыту маусымы 1 қазанға дейін басталатыны туралы жаздық.