Астанада оқушылар арасында құқықтық мәдениетті насихаттайтын жобалар байқауы өтті

Фото: Оңалхан Өнерхан

Астанада «Заң мен тәртіп» қағидаты мен «Жас үміт» жобасын іске асыру аясында есірткі қылмыстарының, құқық бұзушылықтардың алдын алуға және жастардың құқықтық мәдениетін қалыптастыруға бағытталған «Алғырлар: болашаққа идеямен» атты оқушылар жобаларының байқауы өтті.

Байқауға «Алматы» ауданының барлық мектептерінің оқушылары қатысып, заңдылықты сақтау, салауатты өмір салтын насихаттау және құқықтық сауаттылықты арттыру тақырыптарында бейнероликтер ұсынды. Іс-шара «Алматы» ауданы прокуратурасының үйлестіруімен, «Алматы» ауданы әкімінің аппараты, «Алматы» ауданы Полиция басқармасы және Астана қаласы Білім басқармасының қатысуымен ұйымдастырылды.

Байқау қорытындысы бойынша 3 жүлделі орын мен 4 арнайы номинацияның жеңімпаздары анықталды.

Аталған байқау кәмелетке толмағандар арасында құқықтық тәртіпті нығайтуға, құқықтық сананы қалыптастыруға және профилактикалық жұмысты күшейтуге бағытталған маңызды іс-шаралардың бірі болды.

#Заңментәртіп