Елімізде 7 миллионға жуық бала бар

Фото: Оңалхан Өнерхан

Халықаралық балаларды қорғау күніне орай Ұлттық статистика бюросы еліміздегі балаларға қатысты мәліметтерді жариялады, деп хабарлайды Elordainfo.kz.

2026 жылдың басындағы жағдай бойынша Қазақстанда 0–17 жас аралығындағы 6,9 миллион бала тұрады, бұл республика халқының жалпы санының 33,6%.

Балалардың 62,3% қалада, ал 37,7% ауылдық жерде тұрады. Ұл балалардың үлесі - 51,4%, қыз балалардың үлесі - 48,6%.

Ең көп бала саны республиканың үш өңірінде тіркелген: Түркістан облысында - 910,4 мың (13,2%), Алматы қаласында - 688,9 мың (10%) және Алматы облысында - 572,3 мың (8,3%) бала.

Соңғы 5 жылда балалар саны 4,4 пайызға артты.

Еске сала кетсек, Үкімет Президенттің балаларды қолдау жөніндегі тапсырмалары қалай жүзеге асырылғанын жариялады.