Қазақстан көркем гимнастшылары Әлем кубогында өнер көрсетеді

Фото: ҰОК

Көркем гимнастикадан Әзірбайжанның Баку қаласында өтетін Әлем кубогы кезеңіне қатысатын Қазақстан құрамасы белгілі болды, деп хабарлайды Elordainfo.kz Ұлттық Олимпиадалық комитетке сілтеме жасап.

Халықаралық гимнастика федерациясының мәліметінше, жарыста Қазақстан жекелей бағдарламада екі спортшымен өнер көрсетеді.

Құрама сапында Айбота Ертайқызы мен Ақмарал Ерекешева бар.

Айта кетейік, Ақмарал Ерекешева бұған дейін Францияның Тье қаласында өткен Гран-при кезеңінде екі күміс және екі қола медаль иеленген болатын.

Еске салсақ, астаналық көркем гимнастика шеберлері Өзбекстан астанасы Ташкентте өткен әлем кубогының екінші кезеңінде сәтті өнер көрсетіп, елге күміс жүлдемен оралды.