Фитосанитария талабы сақталмаған 6 тонна қияр Ресейге қайтарылды

Фото: АШМ

Агроөнеркәсіптік кешендегі мемлекеттік инспекция комитеті қызметкерлері шекарадан өткен өнімді карантиндік фитосанитариялық бақылау және қадағалау барысында жалпы көлемі 6 тонна болатын жаңа піскен қиярды Ресей Федерациясына кері қайтарды, деп хабарлайды Elordainfo.kz Ауыл шаруашылығы министрлігінің баспасөз қызметіне сілтеме жасап.

Кері қайтаруға өнімнің фитосанитариялық қадағалаудан заңнамада белгіленген тәртіпке сәйкес өткізілмеуі негіз болды.

Министрлік сыртқы экономикалық қызметке қатысушылар өсімдіктер карантині саласында заңнама талаптарын қатаң сақтап, белгіленген бақылау рәсімінен уақтылы өтуді қамтамасыз етуі қажеттілігін ескертті.

Еске салсақ, таяуда 39 тоннадан астам шабдалы мен сәбіз Қытайға кері қайтарылды.