Желіде елордалық куәгердің жасөспірімді соққыға жыққандарды түсіріп алған видеосы тарады, деп хабарлады Elordainfo.kz.

Astanovka98 Telegram-арнасы жазғандай, жәбірленуші баланы «Мечта» тұрғын үй кешенінің маңындағы мектептердің бірінің қасында ұрып-соққан. Оқиға орнынан барлығы 9 бала кадрға түсіп қалған.

«Видео ТК чатына жіберілді. Айқайдан кейін ұрып-соққандар да, жәбірленуші де жасырынуға асықты», - делінген хабарламада.

Астана қаласының «Нұра» аудандық полиция басқармасы оқиғаға қатысы бар адамдарды анықтайтын болады.

«Тексеру нәтижелері бойынша заңнамаға сәйкес шаралар қабылданады», - делінген елорда ПД түсініктемесінде.