V Дүниежүзілік көшпенділер ойындарында бесасықтан Қазақстан әйелдер құрамасы қарсылас шақ келтірмей, ақтық кезеңге жолдама алды, деп хабарлады Elordainfo.kz «Ұлттық спорт және ат спорты» түрлері орталығының баспасөз қызметіне сілтеме жасап.
«Алау» мұз айдыны кешенінде өтіп жатқан жарыста ұлттық құрама спортшылары жарыстың екінші күні де қарсыластарынан басым түсті.
Бүгін А тобындағы Швеция және Румыния ұлттық құрамаларының асықшыларымен кездесу өткізіп, екеуін де 3:0 есебімен жеңді.
Осылайша, Қазақстан А тобында бірде-бір жеңіліссіз топтық кезеңді 12 ұпаймен аяқтады.
Финалдық ойында асықшыларымыз Ресей спортшыларына қарсы өнер көрсетеді.
