Астана қаласының Инвестициялар және кәсіпкерлікті дамыту басқармасы мен Сауда және тұтынушылар құқығын қорғау департаменті бірлесіп, нарық өкілдерінің қатысуымен іскерлік кездесу өткізді, деп хабарлайды Elordainfo.kz.
2023 жылғы 30 сәуірде бекітілген Сауда нарықтарын жаңғырту жөніндегі Жол картасына сәйкес, Астанадағы 7 базар жаңғыртылуы тиіс.
Кездесу барысында кәсіпкерлерге жаңғыртудың талаптары бойынша түсіндіру жұмыстары жүргізілді. Соның ішінде бірқатар бағыттар бойынша белгіленген мерзімде жұмыстарды аяқтау қажеттілігі аталып өтті. Оның ішінде автотұраққа арналған орындар ұйымдастыру, санитарлық нормаларды сақтау, өрт қауіпсіздігін қамтамасыз ету талаптары бар.
