Астанада «Заң мен тәртіп» идеологиясын іске асыру бағыттары талқыланды

Фото: ұйымдастырушылар

Елорданың Сарыарқа ауданы бойынша Белсенді ұзақ өмір сүру орталығында «Қазақстан Республикасының Конституциясы мен «Заң мен тәртіп» идеологиясын іске асырудың негізгі бағыттары» тақырыбында дәріс өтті, деп хабарлайды Elordainfo.kz.

Іс-шара барысында қатысушыларға Қазақстан Республикасы Конституциясының негізгі қағидаттары, азаматтардың құқықтары мен міндеттері, сондай-ақ қоғамда заңдылық пен құқықтық тәртіпті сақтаудың маңыздылығы түсіндірілді.

Дәрісті «Ұлттық құндылықтар академиясы» РҚБ төрағасы, «Құрмет» орденінің иегері Әділхан Дүйсебек өткізді.

Дәріс барысында «Заң мен тәртіп» идеологиясының негізгі бағыттары: «Заң мен тәртіп», «Адал азамат», «Таза Қазақстан» және «Халық үніне құлақ асатын мемлекет» қағидаттарына ерекше назар аударылды.