Астанада Министрліктер үйінің жанында жол-көлік апаты орын алды. Жолдан өтіп бара жатқан адамды көлік қағып кетті, деп хабарлады Elordainfo.kz.

Астана қаласы полиция департаментінің баспасөз қызметі «Достық» көшесінде жаяу жүргіншінің қатысуымен болған жол-көлік апаты фактісі бойынша тексеру жүргізіліп жатқанын хабарлады.

«Алдын ала мәліметтер бойынша, Nissan маркалы автокөлікті басқарған жүргізуші жолда арнайы белгіленбеген жерден өтіп бара жатқан адамды қағып кетті», - деп хабарлады полиция департаменті.

Жәбірленуші қажетті медициналық көмек көрсету үшін ауруханаға жеткізілді.

Сондай-ақ полиция департаменті жол қозғалысының барлық қатысушыларын өте мұқият болуға және жол ережелерін қатаң сақтауға шақырады.