Отырыста Қоғамдық кеңес комиссияларының құрамы бекітіліп, төрағалары белгілі болды, сондай-ақ кеңестің төралқасы сайланды, деп хабарлады Elordainfo.kz.
Кеңес құрамында ақпараттық-талдау жұмысы, экономика және қаржы мәселелері, әлеуметтік саясат саласындағы азаматтық қоғамның мүдделері, кәсіпкерлікті дамыту, заңдылық және құқықтық тәртіп, жастар мәселелері, энергия тиімділігі, тұрғын үй-коммуналдық шаруашылық, құрылыс және экология мәселелері бойынша 6 комиссия жұмыс істейді.
Ақпараттық-талдау жұмысы мәселелері жөніндегі комиссияны Қоғамдық кеңестің мүшесі, Elorda Aqparat ЖШС директоры Олжас Сыдықбек басқаратын болды. Ол сондай-ақ Қоғамдық кеңес төралқасының құрамына кірді.
Естеріңізге сала кетейік, 20 наурызда Астана қаласы мәслихаты төрағасының «Астана қаласының қоғамдық кеңесінің құрамын бекіту туралы» Өкіміне сәйкес, елордалық Қоғамдық кеңестің жаңа құрамы бекітілді.
