Астанада кілем жуатын цехта шыққан өрт сөндірілді – ВИДЕО

Фото: ТЖМ

Бүгін түнде Астана қаласы «Сарайшық» ауданындағы Шарбақты көшесінде орналасқан кілем жуатын цехтардың бірінде өрт шықты, деп хабарлады Elordainfo.kz ТЖМ баспасөз қызметіне сілтеме жасап.

Оқиға орнына жедел жеткен құтқарушылар келген сәтте цех ішінде қою түтін болған. Құтқарушылардың күшімен цехтың ішіндегі бір автокөлік пен екі газ баллоны қауіпсіз жерге шығарылды.

«Құтқарушылардың жедел әрі үйлесімді әрекеттерінің нәтижесінде кілем жуу құрылғылары мен шатырдың ағаш құрылымдарында болған өрт толықтай сөндірілді.

Өрттің жалпы ауданы 250 ш.м. құрады.

Зардап шеккендер жоқ», - делінген хабарламада.

Өрттің шығу себебі анықталуда.