Астанада 29-30 қараша күндері кезекті «Соғым-FEST» ет жәрмеңкесі өтеді. Іс-шараға Ақмола, Абай, Қарағанды, Түркістан және Павлодар облыстарының фермерлері қатысады, деп хабарлады Elordainfo.kz.

Жәрмеңке «Керуен жол» сауда орталығының автотұрағы аумағында (Алаш тасжолы, 35Б) ұйымдастырылады.

Сондай-ақ осы күндері сауда орталығында астаналықтар арасында танымал қалалық ауыл шаруашылығы жәрмеңкесі де өтеді. Онда жергілікті фермерлер мен Қазақстанның түрлі өңірлерінен келген өндірушілердің өнімдері ұсынылады. Қала тұрғындары мен қонақтары көкөністер мен жемістерді, ет, ұн және сүт өнімдерін, табиғи шырындар, тосап, джем және т.б. сатып ала алады.

Жәрмеңке әр демалыс сайын сағат 10:00-ден 19:00-ге дейін жұмыс істейді.

Қала тұрғындары мен қонақтарының ыңғайлылығы үшін жәрмеңке өтетін орынға №7, 11, 39, 41, 45, 53, 59, 81, 307, 317 бағытындағы автобустар жүреді.