Qazaq Air компаниясы Астана-Екатеринбург рейсін уақытша тоқтатты

Qazaq Air әуекомпаниясы 28 желтоқсан мен 2025 жылғы 27 қаңтар аралығында Астана-Екатеринбург бағыты бойынша әуе рейстерін орындауды уақытша тоқтатуға мәжбүр, деп хабарлады Elordainfo.kz.  

Ресейге ұшу тәуекелін үнемі бағалау нәтижесі негізінде жолаушылар мен экипаж мүшелерінің қауіпсіздігін қамтамасыз ету мақсатында рейстер тоқтатылды.

Тоқтатылған рейс жолаушыларына әуе билетінің толық құны қайтарылады және әуекомпанияның баламалы рейстеріне қайта тегін брондау ұсынылады.

«Екатеринбургке әуе рейстерін қайта ашу – тәуекелді қайта бағалау қорытындысы бойынша жүзеге асырылады», - деп көрсетілген хабарламада.

Қазіргі уақытта әуекомпания тәуекелді бағалау шартына сәйкес келетін Омбы мен Новосібірге рейстерді орындауды жалғастырады.