Бүгін архившілер кәсіби мерекелерін атап өтіп жатыр

Қазақстанда жыл сайын 22 желтоқсанда Архившілер күні атап өтіледі, деп хабарлады Elordainfo.kz.   

Еліміздегі барлық архивтер Қазақстан Республикасының 1998 жылғы 22 желтоқсандағы «Ұлттық архив қоры және архивтер туралы» заңына сай жұмыс жүргізеді.

Айтулы мереке Қазақстан Республикасы Үкіметінің 2020 жылғы 22 желтоқсандағы №874 қаулысы негізінде «22 желтоқсан – Архившілер күні» болып бекітілді.

«Біз ел тарихын сақтап, ұрпаққа мұра етіп қалдыруға зор үлес қосып жүрген архив саласының мамандарын құттықтаймыз!

Айтулы күнмен барша архившілер қауымын құттықтай отырып, шығармашылық шабыт, кәсіби табыстар мен отбастарыңызға амандық тілейміз!» - делінген Мәдениет және ақпарат министрлігінің құттықтауында.