Ақтөбелік зейнеткер екі жыл бойы алаяқтарға ақша аударған

Оңалхан Өнерхан
67 жастағы ақтөбелік зейнеткер желідегі жарнамаға алданып, екі жыл бойы туыстарынан жасырын түрде алаяқтарға ақша жіберіп отырған, деп хабарлады Elordainfo.kz «Диапазон» порталына сілтеме жасап.
Ақтөбе облысының полиция департаментінің дерегіне сенсек, ұлттық мұнай компаниясына ақша салу ұсынылып, қазақстандықтарға мұнай мен газды сатудан жылдам пайда табуға уәде берілген.
Зейнеткер туыстарына ескертпестен банктерден екі жылға несие алып, ақыры алаяқтардың қолына 2,5 миллион теңгеден астам ақша аударған.
«Мұндай жарнамалар шындыққа жанаспайтын және тексерілмеген ақпараттан тұрады. Біз азаматтарды абай болуға және тек ресми сайттарға сенуге шақырамыз», – деп ескертеді полицейлер.
Қазір тергеу амалдары жүргізіліп, күдіктілер іздестіріліп жатыр.
Ұқсас жаңалықтар

17 қыркүйек, 2025
Қазақстанның ұны АҚШ нарығына шықты

17 қыркүйек, 2025
Ерікті автосақтандыру: қазақстандықтарға КАСКО бойынша қанша төленді

16 қыркүйек, 2025
Ауыл шаруашылығы министрлігі Алматыдағы 120 гектарлық инновациялық бақтың жұмысымен таныстырды

16 қыркүйек, 2025
Еуропа елдеріне кіріп-шығу ережелері өзгерді: қазақстандықтар нені білуі керек