Елордада көпқабатты тұрғын үйден өрт шықты (ВИДЕО)
Астанадағы «Сарайшық» ауданында Ж.Нәжімеденов көшесіндегі тұрғын үй кешенінің тоғызыншы қабатындағы пәтерде өрт шықты, деп хабарлады Elordainfo.kz.
Жедел барған өрт сөндірушілер пәтердің балконына автосатыны орнатып, ер адамды құтқарып қалды. Содан кейін оны жедел медициналық жәрдем қызметкерлеріне тапсырды.
Өрт сөндірушілер келгенге дейін ер адам бірнеше жайманы байлап, төмен түсуге тырысқан.
Айта кетейік, кеше Астананың сол жағалауында шағын автобустан өрт шыққан болатын.